HANDAKI LA AJABU IRINGA ...LAGUNDULIKA

 

Handaki la ajabu limeonekana katika eneo la kata ya kitanzini mtaa wa sokoni mjini Iringa. Katika tukio hilo lililokuwa gumzo kubwa katika eneo hilo huku kila mmoja akisema lake huku mmiliki wa nyumba hiyo kushindwa kuwa na majibu yakuridhisha  huku akisema yeye hafahamu shimo hilo limetokea wapi.

Handaki hilo ambalo lilionwa na wachimbaji wa mitaro wa JR wanaoshuhulika na  uwekwaji wa mabomba mapya ya maji safi. Wachimbaji hao wa mitaro wanaeleza kuwa wakati wanachimba walikutana na chemba hiyo ikiwa imefunikwa na wao kudhani kuwa inatumika kama shimo la choo cha nje lakini haikuwa hivyo maana lilikuwa wazi limejengewa na hakuna dalili ya kutumika kama choo.

Mmoja wa wananchi aliyeingia katika handaki hilo Abdukareem ameeleza kuwa yeye ni mkazi wa eneo hilo na alipopata taarifa alifika akiwa na mwenzake aliyefahamika kwa jina la Salehe na kukubaliana kuingia ndani ili kufahamu kilichopo. Kutokana na shimo hilo kuwa refu walitafuta ngazi lakini hawakufanikiwa kwani ngazi hiyo ilikuwa pana na kuamua kutafuta fimbo kubwa ya muanzi na kamba na ndipo walipofanikiwa kuingia ndani. Walipofika ndani walikuta chumba ambacho ni kama futi tatu na kuona vidirisha vidogo kwa mbele huku bado kukiwa kumejengewa kwa zege na kubainisha kuna muendelezo wa chemba nyingine ambapo hawakuweza kuendelea kwakuwa kumezibwa.

Mkuu wa wilaya ya Iringa Dkt Leticia Warioba alifika katika eneo la tukio akiwa na wa wafanyakazi wa  Kampuni ya JR pamoja na afisa usalama ambao waliishia kuangalia njia hiyo pasipo kuingia ndani ya handaki hilo.

Wakazi waliofika katika eneo hilo hawakusita kueleza hisia zao huku wengine wakieleza labda ni mahandaki yaliyokuwa yakitumiwa na Wajerumani enzi za ukoloni, huku wengine wakieleza labda handaki hilo limekuwa likitumiwa na majambazi kama sehemu za kujificha na kuhifadhia mali walizoiba japo hapakuonekana mali ya aina yeyote.

PICHA NA FRANCIS GODWIN