AMSHA AMSHA NYUMBANI NI NYUMBANI KUHAMIA NYANDA ZA JUU KUSINI

MIRINDA NYEUSI NA KALALA JUNIOR

Bendi  ya African Stars Twanga Pepeta itafanya ziara kwenye mikoa ya Nyanda za Juu Kusini itakayohusisha Mikoa ya Iringa na Mbeya kuanzia siku ya Ijumaa tarehe 14/09/2012 kwa siku tatu Mfululizo. Ziara hiyo ni kutokana na ahadi ambayo ilishawekwa hadharani mapema wakati Mwanamuziki Kalala Junior anarejea Twanga Pepeta kutoka Bendi ya Mapacha 3.

KIONGOZI WA BENDI LUIZER MBUTU

Ziara hiyo itaanza kwa onyesho maalum ndani ya Ukumbi wa Highland uliopo mjini Irnga kwa ajili mya kuwaonyesha wakazi wa mji wenye Vilima vyenye mawe vya Kihesa, Ilala, Ndiuka, Mwembetogwa na baadhi ya maeneo maarufu kwenye mji huo wenye hali ya baridi unaosifiwa kuwa wa pili kwa Usafi baada ya Moshi. Kwa mujibu wa Meneja wa ASET Muddy K taratibu za ziara hiyo maalum zimekamilika.

Onyesho la pili linatarajiwa kufanyika siku ya Jumamosi 15/09/2012 Jijini Mbeya ndani ya City Pub na kesho yake yaani siku ya Jumapili tarehe 16-09-2012 kumalizia kwa kufanya Bonanza maalum katika ukumbi huo huo wa City Pub kufuatia ombi maalum katika kuhitimisha ziara hiyo inayojulikana kama Amsha Amsha na Twanga NYANDA ZA JUU KUSINI.

Bendi ya Twanga Pepeta inatarajia kuondoka alfajiri ya tarehe 14/09/2012 siku ya Ijumaa baada ya Onyesho la Club Maisha Oysterbay. Bendi inataraji kurejea Dar Es Salaam baada ya onyesho la mwisho litakalofanyika siku Jumapili tarehe 16-09-2012 Jijini Mbeya.

MARY KIMWANA ZAO LA TWANGA PEPETA

Ziara hii maalum ya Twanga Pepeta ni kwa ajili ya kumtambulisha Mwimbaji wao mpya Kalala Jr aliyerejea hivi karibuni kutoka katika Bendi  ya Mapacha Watatu ambayo pia itatumika kuzitambulisha nyimbo mpya za bendi kwa mwaka 2012 ammbazo ni pamoja na; Shamba la Twanga (Greyson Semsekwa, Mapambano ya Kipato (Prince Mwinjuma Muumini, Walimwengu (Jumanne Said), Nyumbani ni Nyumbani (Kalala Jr) na Ngumu Kumeza (Mirinda Nyeusi). Twanga Pepeta itaendelea na Burudani zake kama kawaida Jijini Dar es salaam katika kumbi za Club Billicanas siku ya Jumatano, New Club Maisha siku ya Alhamisi, Free Time Resort Ukonga Banana, Mango Garden siku ya Jumamosi na Jumapili mchana Leaders Club na usiku Mzalendo Pub. 

Wiki inayofuata Twanga Pepeta itaendelea na Ziara kwenye Mikoa ya Kanda ya Ziwa nakurejea Dar es Salaam na Baadaye Kanda ya Kaskazini, Kanda ya Kati, Kanda ya Kusini na kumalizia na Visiwa vya Zanzibar vyenye Marashi ya Karafuu.

MUDDY K

EVENTS MANAGER

TWANGA PEPETA.