MAMLAKA YA MJI MOMBO YATEKETEA KWA MOTO

JENGO la Ofisi ya Mamlaka ya Mji mdogo Mombo wilayani Korogwe limeteketa kwa moto usiku wa kuamkia jana na kusababisha hasara, ikiwa ni pamoja na kuungua nyaraka mbalimbali pamoja na samani.Akizungumza na waandishi wa habari, Mkuu wa Wilaya ya Korogwe, Mrisho Gambo, alithibitisha kutokea kwa tukio hilo na kueleza kuwa lilitokea majira ya saa 8:00 usiku.Alisema kuwa, moto huo ulisababisha baadhi ya ofisi zilizopo ndani ya jengo hilo kuungua.

 

Gambo alizitaja ofisi hizo kuwa ni Ofisi ya Mhasibu, Masijala na Ardhi na cheti cha Usajili wa Mamlaka ya ofisi za mji mdogo huo huku kumbukumbu zote za ofisi hizo zikipotea.Alisema, serikali imeunda kikosi kazi kitakachoshirikiana na vyombo vya ulinzi na usalama wilayani humo kuchunguza chanzo cha tukio hilo. Gambo alisema watakaobainika kuwa chanzo cha moto huo ulioisababishia hasara serikali, watachukuliwa hatua za kisheria.

 

Mkuu huyo alisema wanaangalia uwezekano wa kuwa na sehemu maalumu zitakazotumika kuhifadhia nyaraka muhimu za kiserikali ili inapotokea majanga kama hayo, kuwepo na kumbukumbu.Alisema Jeshi la Polisi kwa sasa linawashikilia walinzi wa jengo hilo kwa uchunguzi zaidi.Naye, Mwenyekiti wa Mamlaka ya Mji huo, Richard Rwezile, alisikitishwa na tukio hilo huku akitupa lawama kwa gari la zimamoto ambalo lilishindwa kufika katika eneo hilo kwa wakati, hatua iliyochangia moto huo kusambaa kw