NATAFAKALI JINSI YA KUFIKISHA WOKOVU KWA MACHANGUDOA

BAADHI YA WADADA WANAOUZA MIILI YAO - MACHANGUDOA

Sifa za Bwana zivume. natumai muwazima kumekuwa na changamoto katika kuhubili injili ya kristo na kuhakikisha kuwa kila kiumbe anasikia hii habari njema ya Yesu kristo. katika utafiti wangu mdogo nilioufanya niligundua kuwa kuna makundi ambayo hayafikiwi kutokana na mazingira waliopo inakuwa ni vigumu kuwahubiria, mara nyingi nimeona wainjilisti wakishuhudia na kuhubiri katika vituo vya mabasi, masokoni, mahospitalini, nk vilevile mikutano ya injili ambaye hapo mwanzo ilikuwa inaonekana inakusanya watu wengi imepoteza uwezo huo kwa sasa hasa katika jiji la Dar es salaam na inatakiwa itafutwe njia mbadala. lakini kuna makundi ambayo kwa njia moja au nyingine ni vigumu kwao kuweza kufika kwenye mikutano hiyo ya injili, mfano watoto wa mitaani, wavuta unga na machangudoa, machangudoa huwa wanabadilisha ratiba zao mchana wana lala na usiku wao wanakuwa macho kiasi kwamba wao kufika kwenye mikutano ni ndoto kwenda na ukisikia changudoa kaokoka basi ujue ni nguvu ya Mungu tu, hivyo inatakiwa hatua za makusudi kukutana na kundi hili. ziko changamoto nyingi katika juu ya wokovu jamii ya machangudoa.

MACHANGUDOA ENEO LA SINZA

1. Unatakiwa uwafuate kwenye viwanja vyao na wanaotakiwa kuongea nao kwa nyakati hizo za usiku ni Wanaume. Kama akienda mwanamke mwenzao huwa wanaona kuwa wanadhihakiwa (unawajoki) na wala hawatakusikiliza. Mwanaume wanaweza kumsikiliza na kujibu  maswali yake maana wanajua mwisho wa yote watapata chochote.
2. Kabla changudoa hajaokoka anatakiwa ajue ataishije baada ya kuokoka maana walio wengi wanaishi kwa kutegemea kazi hiyo tu. Kwa misingi hivyo lazima kuwe na fungu litakalomfanya mtu huyo kuweza kuyafanya maisha yaendelee kinyume na hapo atarudi mtaani kuuza mwili wake ili apate chochote.
3. Mazingira wanayoishi Machangudoa ni kwenye kwenye Magheto hivyo inabidi pia atafutiwe mahali pa kuishi kinyume na hapo wenzake watamrejesha Ghetto na hatimaye kurejea kule ulikomtoa. 

Vilevile kuna mambo mengine zaidi yanayosababisha watu hawa kufanya biashara hii ya kuuza miili yao ikiwa ni pamoja na: Ugumu wa Maisha – Ila kama mtu ukiokoka utajua tu kuwa biashara hii ni utumwa ambao shetani anawatumikisha wengi kwa kuwatia pepo wa ngono kwa imani hizi za Ugumu wa Maisha.

Mbali na Imani hizi zote ukweli ni kwamba kwa Yesu yote yanawezekana ila swali je nini nani atakaye waendea MACHANGUDOA na kuwaandalia mazingira mazuri ya kumfanya mtu huyo aache kazi hiyo. Changamoto hapa ni suala la Ajira Mbadala kwakuwa yakubidi umtafutie kazi mbadala. Pili mazingira mbadala na uangalizi wa karibu ambao utamfanya ajisikie vizuri katika maisha yake mapya na kupata mafundisho na maombi na kumfanya aachane kabisa na marafiki zake wa zamani alio wazoea.

MADADA POA ENEO LA SINZA AMBIANCE

 Wakati wa utafiti tulibahatika kuonana na mama mmoja ambaye yeye kwa sasa ni mama Askofu wa Kanisa la TAG ambaye alisema kuwa alifanikiwa kuwashuhudia machangudoa na kuwafanya waokoke na kuachana na kazi ya uchangudoa, maelezo yake yalikuwa hivi. “Baada ya kugundua kuwa alikuwa anaishi na machangudoa mtaa mmoja alianza kufanya maombi ya kuwaombea na kufanya urafiki nao na kuzoeana nao baada ya hapo ilibidi awe anaongea nao mmoja mmoja anasema kuna siku alimchua changudoa na kumwingiza chumbani kwa mume wake na kuanza kumwambia habari za Yesu tena kwa kuanza kumwonyesha heshima kubwa aliyopewa ya kuingizwa chumbani kwa mume wake na wao machangudoa walikuwa wamemzoea huyo mama na walikuwa wakimwita mama. Baada ya mazungumzo na yule changudoa alikubali kuokoka na kuachana na kazi ya uchangudoa na mungu hana hiana akaanza kumpa marupurupu ya wokovu dada huyo akafanikiwa sana na kupata nafasi ya kwenda Marekani na hadi sasa yuko huko kwenye huduma ya Benny Hinn.

Kwahiyo iko changamoto ya kuwafikia watu hawa ambao wainjilisti wengi wametuwa hawamudu kufikia kundi hili kwa kuwa wengi wamefungwa na nguvu za giza na wamekata tamaa ya maisha na kuona bora wafanye biashara hiyo haramu ambayo ina madhala makubwa sana kiroho kimwini na hata kisaikolojia. kama wewe si mwinjilisti basi chukua nafasi hata ya kuwaombea ili Mungu akutane nao na Mungu ainue watu watakaokuwa na mzigo kuwafikia watu hao.

BARIKIWA.

Mathayo 6:33 Utafuteni kwanza ufalme wake na haki yake na hayo mengine mtazidishiwa.