DODO LIMEIVA MTINI KILA MTU ANALITAMANI LEO LINANGUKA LENYEWE TFF ITAMGAWIA NANI DODO HILI WAKATI KILA TIMU INALITAMANI???

ANGETILE ASIAH - MALAFYALE

Na mwandishi wetu:

USAJILI wa wachezaji kwa klabu za Ligi Kuu Bara, unafikia tamati leo, huku baadhi ya majina ya yakitarajiwa kuonekana zaidi ya timu moja. Kwa mujibu wa kalenda ya Shirikisho la Soka Tanzania (TFF), kipindi hicho cha usajili kinachofikia leo kilianza kwanza Juni 15 mwaka huu. Hata hivyo, kuna kila dalili ya mgongano wa majina ya wachezaji kwenye usajili huo kutokana na baadhi ya timu kutoafikiana katika suala la uhamisho wa wachezaji. Wachezaji wanaoweza kuwa kiini cha mgongano huo, ni mlinzi wa kati, Kelvin Yondani ambaye Yanga wamesajili kutoka Simba na tayari ameanza kucheza.

Katibu Mkuu wa TFF, Angetile Osiah Simba wanadai Yondani ni mali yao kwa mujibu wa mkataba walioingia naye, jambo ambalo limepingwa na mchezaji mwenyewe na hata klabu yake mpya.

TFF ilimwihidhinisha Yondani kuichezea Yanga kwenye michuano ya Kombe la Kagame kwa kile ilichosema, Yanga ilikuwa sahihi kumsajili baada ya mkataba wake na Simba kumalizika. Lakini kwa upande Simba, wanadai ni mchezaji wao halali, na watakuwa tayari kwenda mbele zaidi kisheria iwapo TFF atahidhinishwa kuichezea Yanga kwenye michuano ya ligi. Katika hali hiyo, kuna uwezekano mkubwa kwa jina la Yondani kuonekana kwenye orodha ya Simba, kadhalika na Yanga. Hali iko hivyo kwa Ramadhan Chombo 'Redondo', ambaye Simba wamemsajili kutoka klabu ya Azam ya Dar es Salaam.

Azam inasema Simba haikuwa sahihi kumsajili Redondo kwa vile bado ana mkataba halali na klabu hiyo, jambo ambalo limepingwa na mchezaji mwenyewe. Katikati ya wiki hii, Redondo alisema mkataba wake na Azam ulishamalizika na hakuwahi kupewa mwingine, hivyo alikuwa huru kusajiliwa, siyo tu na Simba bali timu nyingine yoyote.

Pia kuna taarifa, beki wa timu ya APR ya Rwanda, Mbuyi Twite ambaye Simba wanadai wamemalizana naye kwa ajili ya msimu ujao, pia Yanga wamemtengenezea mkakati wa ili kumsajili. Simba wanadai kumpa beki huyo mkataba wa miaka miwili, lakini habari zingine zinadai kuwa Yanga wamefunga safari kumfuata kwa lengo la kufanya naye mazungumzo. Kama kweli, Simba wamemalizina naye beki huyo na taarifa za Yanga za kumtaka na kuingia naye mkataba zikawa za kweli, basi ni wazi kuleta mkanganyiko.

Jumatano wiki hii, Katibu Mkuu wa TFF, Angetile Osiah alisema iwapo kutatokea suala la majina ya wachezaji kuonekana zaidi ya timu moja, Kamati ya Maadili, Sheria na Hadhi za Wachezaji itaamu. Angetile alisema, kanuni za usajili ziko wazi na klabu zote zinafahamu hilo, hivyo hategemei kuwapo na malumbano kwa vile kanuni ndizo zitakazopewa nafasi ya kuamua. Kamati ya TFF inatarajia kupitia majina ya wachezaji yaliyowasilishwa na klabu hizo na utangaza kipindi cha pingamizi Agost 11 mpaka 18 mwaka huu.