WANAKWAYA 12 WAFARIKI KWENYE AJALI KIJIJI CHA MAKOLE KATA YA MANDERA TARAFA YA MIONO WILAYA YA BAGAMOYO MKOA WA PWANI

Watu 12 wanaodhaniwa kuwa raia wa  nchini Kenya wamefariki dunia papo hapo  na wengine 25 kujeruhiwa  katika ajali iliyohusisha magari manne, ambayo imetokea katika  kijiji cha Makole Kata ya Mandera, Tarafa ya Miono Wilaya ya Bagamoyo Mkoa wa Pwani wakiwa safarini kuelekea jijini Dar es salam kwenye shughuli za uimbaji wa  kwaya. 

Ajali hiyo iliyotokea majira ya saa 11 alfajiri ilihusisha magari mawili tofauti, likiwemo lori lililosababisha kufunga kwa barabara na kusababisha abiria waendao  katika maeneo ya kanda ya Kaskazini kuweka kambi katika eneo hilo kwa masaa nane. Kamanda wa Polisi mkoa wa Pwani Ernest Mangu amethibitisha kutokea kwa ajali hiyo, na kusema kuwa gari lenye namba za usajili KBQ 203 P aina ya Isuzu bus, pamoja na gari lenye namba za usajili KBL 044 M, yote yakitokea nchini Kenya yakiwa yamebeba waumini wa dini ya kikristo. Ajali hiyo ni kati ya saba zilizotokea kwa usiku mmoja mkoani Pwani katika barabara ya Chalinze –Morogoro na Chalinze –Segera.