WADAU WA SOKA TABIA YA ALHAJI RAGE KULIALIA KILA ANAPOKOSEA NITABIA YAKE YA KUKAMILISHA HADAA ZAKE KUWENI MAKINI.

WADAU WA SOKA TABIA YA ALHAJI RAGE KULIALIA KILA ANAPOKOSEA NITABIA YAKE YA KUKAMILISHA HADAA ZAKE KUWENI MAKINI.

MOSI: Alhaji Rage alishawahi kulia  wakati Mchezaji aliyetoa mchango mkubwa kwenye timu ya Simba Marehemu Patrick Mutesa Mafisango Papaa alipofariki kwa ajali ya gari miezi kadhaa iliyopita. Lakini Uongozi wa Rage umeshindwa kuwasilisha pesa za Rambirambi kwa familia ya Mafisango kama walivyoahidi  hadi leo 12/08/2012.

Uongozi wa Alhaji Aden Rage kupitia Msemaji wa Club ya Simba Ezekiel Kamwaga umesema haujutii kutupwa nje ya nyumba vyombo vya Marehemu Mafisango.Kamwaga aliongeza kuwa mkataba wa nyumba hiyo aliyokuwa akiishi mafisango ambao uliingiwa na Club ya Simba ulikuwa ni kwa ajili ya kuishi mafisango na ulishamalizika tangu mwezi uliopita (30/07/2012) hivyo mwenyenyumba alikuwa na haki ya kutupa vyomba nje kwakuwa watu wanaoishi humo hata Simba haiwatambui.  Aliyekuwa akiishi humo ni nduguye Mafisango ambaye alikuwa anasubiri kukabidhiwa rambirambi ili arejee DRC.

Aidha uongozi wa Simba SC umesema kuwa, Simba ilikuwa inasubiri Familia iteue Msimamizi wa Mirathi ili akabidhiwe fedha hizo za rambirambi jambo ambalo baada ya kutekelezwa na familia Uongozi wa Alhaji ukasema  kuwa Ubalozi wa CONGO nchini Tanzania umeizuia Simba kukabidhi rambirambi hizo kwasasa. Sasa hivi tena Simba kupitia kwa Katibu wa Simba SC Bwana Evodius Mtawala imekuja na kauli nyingine kuwa Wizara ya Mambo ya Nje na Ushirikiano wa Kimataifa umeingilia kati stahili za Mafisango na kuzisimamisha hadi hapo itakapotoa TAMKO. Hivi Wizara ya Mambo ya Nje kuingilia stahili za marehemu tena raia wa kawaida tu inaingia akilini???

PILI: Rage alilia wakati anashitakiwa kwa pesa za Yanga dola 40,000 miaka kadhaa iliyopita na baadaye kutumikia kifungo na kutoka kwa msamaha wa Raisi.

TATU: Alhaji Rage kwenye Mkutano wa Simba 08/08/2012 takribani siku sita zilizopita aliwahakikishia Wanachama wa Simba kuwa Okwi amefanya majaribio na kufuzu katika Klabu ya Red Bull Salzburg ya Australia na atakuwa akilipwa Euro 300,000 kwa mwezi.  Cha ajabu Okwi amekanusha kufanya majaribio yoyote Ulaya kutokana na kusumbuliwa na Malaria tangu awasili barani humo mpaka kurejea Uganda na kisha Simba. Alhaji Rage alipoulizwa kuwa haoni kama aliwadanganya wanachama wa Simba kwakuwa Okwi amekanusha usemi wake, Rage alisema Okwi hakwenda kutalii amini ninachosema hicho ni sahihi mimi ni muislam. Kwa mujibu wa mtandao rasmi wa Red Bull Salzburg ni kwamba timu hiyo imesajili wachezaji wawili tu kati ya tarehe ambazo Okwi alikuwa Ulaya mpkana anarejea Uganda wachezaji hao ni pamoja na: Valon Berisha kutoka Viking Stavanger na Havard Nielsen kutoka Valerenga Oslo zote za Norway.

NNE: Alhaji Rage amelia jana 11/08/2012 Mjini Dodoma mbele ya waandishi wa habari ili wanasimba wamuamini baada ya kumkosa Mbuyi Twite. Kinyume na matarajio ya wengi alikurupuka na kudai kuwa pesa waliyotumia Yanga ni pesa ya EPA. Hii ni tuhuma nzito inayoweza kumghalimu siku za usoni japo ameapa kuwa haogopi mtu yoyote katika hili. 

TANO: Alhaji Rage ameonyesha dhahili kuwashawishi mamilioni ya Wanasimba kuichukia Serikali ambayo yeye ni mmoja wao (Mheshimiwa Mbunge wa Tabora Mjini)  kuwa wanaonewa na kadai kuwa amepata ridhaa ya kusema hivyo kutoka kwa wanasimba. Je mkutano wa kudhibitisha kauli hii umefanyika lini???Kauli inayoonyesha Uchochezi na Uasi hii hapa nanukuu “Kama Serikali na Mamlaka za kusimamia soka zitaonekana zinapendelea timu moja, basi wanachama wa Simba wanaweza kuangalia kwingineko ambako wanadhani watapata haki zao za msingi” KILIO. Alhaji Rage hajatoa ufafanuzi wa kina juu ya kuingia kwa Serikali katika suala la kuonewa kwa Simba alikodai wala kama amepewa RIDHAA na wanachama wa Simba kuishutumu Serikali yao kwa niaba yao akiwa Mbunge kupitia chama kinachotawala. KUENI MAKINI NA MTU HUYU.