ADRIANO AFUMWA AKIJIRUSHA NA MAKAHABA

MCHEZAJI raia wa Brazil, Adriano, amewaacha midomo wazi viongozi wa timu yake mpya ya Flamingo baada ya kushindwa kuhudhuria mazoezi ya klabu hiyo na kukutwa kwenye baa ya uswahilini akikata kilaji ikiwa ni siku 13 tangu ajiunge na timu hiyo. Adriano aliyeichezea timu ya taifa ya Brazil mechi 48 na kufunga mabao 27, alipigwa picha akiwa kifua wazi kwenye baa ya uchochoroni kwenye mazingira machafu huko Vila Cruzeiro huku wachezaji wenzake wakiendelea na mazoezi.

Mshangao mkubwa unatokana na ukweli kwamba, mchezaji huyo wa zamani wa Inter Milan ya Italia, alieleza kuwa kutua kwake Flamingo ni nafasi yake ya mwisho kurekebisha tabia zake za nje ya uwanja na kuonesha kiwango kizuri ili arudi kwenye kikosi cha taifa na kukiwakilisha kwenye michuano IJAYO.