KUMBE RAGE NI MIONGONI MWA WALIOFUKUZWA CDA NA RAIS NYERERE KWA UBADHILIFU

 

GAZETI LA DAILY NEWS LA JUMATANO  22/05/1985

MAOFISA TISA WA NGAZI YA JUU WA CDA WAFUKUZWA

Rais Nyerere amewafukuza wafanyakazi tisa wa CDA mara moja na ameagiza marekebisho ya haraka yafanyike kwenye idara ili kuokoa mamlaka hiyo.

Maagizo haya yametolewa jana na Ikulu na kusainiwa na Katibu Mkuu Kiongozi Ofisi ya Rais Ndugu Timothy Apio. Aliwataja maofisa hao waliofukuzwa kuwa ni pamoja na;   Mkurugenzi Mkuu Ndugu Joshua D. Minja, Mkurugenzi wa Makampuni ya CDA Ndugu Cecil J. Maruma na Mkurugenzi wa Fedha Ndugu Jacob Mollel.

Wengine ni Katibu wa Ushirika Ndugu Richard Rweyongeza, Mkurugenzi wa Ubunifu Ndugu William Feuzi, Kaimu Maneja Ugawaji Ndugu Mathew Maselle, Kaimu Meneja Manunuzi Ismail Aden Rage, Ofisa Mahusiano Ndugu Mavunde na Mkurugenzi wa Mipango Ndugu William Kitonka. Rais pia amemuagiza Waziri anayehusika na Uendelezaji wa Mji wa Dodoma kufanya marekebisho kwenye Mamlaka hiyo kama ifuatavyo;

·         Idara ya Fedha na Utawala iwe chini ya Mkurugenzi wa Utawala aliyepo Ndugu A. Madata.

·         Idara ya Ubunifu na Ujenzi iwe kitengo cha Ubunifu chini ya Ndugu R.K. Sigh wakati Idara ya Mipango itaendelea kuwa kama ilivyo chini ya Ndugu Mpoli.

Watano kati ya maofisa hao waliofukuzwa akiwemo Mkurugenzi Mkuu walipewa nafasi hizo mwezi Desemba mwaka 1983 baada ya waliokuwepo kuondolewa kutokana na malalamiko kutoka kwa wananchi na wafanyakazi wa CDA kuwa wanafuja mali. Mkurugenzi Mkuu Bwana Minja alikuwa ni Katibu Mkuu Wizara ya Ardhi, Nyumba na Maendeleo ya Mijini.

Waliofukuzwa mwaka 1983 walikuwa ni Kaimu Mkurugenzi Mkuu Ndugu Moses Kagya, Mkurugenzi wa Makampuni ya CDA Ndugu Kaboko Mutalemwa, Afisa Utawala Ndugu Philip Saiguran. Personal Oficcer Ndugu F. Kamugisha. Kufukuzwa kwao kulitokana taarifa ya tume iliyoundwa Juni 1983 kuchunguza ubadhilivu ndani ya CDA chini ya Judge William Maina ambayo ilibaini kuwa Maofisa wa CDA walikuwa wakijihusisha na uzembe, kuwasilisha ripoti zisizo sahihi kwenye Bodi ya Wakurugenzi na utendaji usioridhisha. Matumizi ya Mabaya ya magari ya CDA.

Mapema mwaka uliopita Rais Nyerere aliunda tume iliyoongozwa na Waziri Mkuu ili kuharakisha uhamiaji wa Mji Mkuu kutoka Dar es Salaam kwenda Dodoma. Maamuzi ya kuhamisha Makao Makuu yalichukuliwa na Chama na Serikali Oktoba 1973 lakini mpango huo umekuwa ukisuasua kutokana na utendaji mbovu wa viongozi wa CDA.